Ծրագրային առաջարկների շտեմարան
Դաշնագրին անդամակցող համայնքները, որոնք արդեն մշակել են գործողությունների ծրարներ (ԿԷԶԿՊԳԾ), որտեղ ամփոփված են համապատասխան միջոցառումներ և ծրագրեր: Այդ միջոցառումները և ծրագրերը պետք է իրականացվեն՝ ԿԷԶԿՊԳԾ-ներում նշված նպատակներին հասնելու համար: ԿԷԶԿՊԳԾ-ում նշված ծրագրերը, սակայն, անբավարար տեղեկատվություն են տրամադրում հնարավոր ֆինանսավորող հաստատություններին՝ վերջինների կողմից այդ ծրագրերի ֆինանսավորման վերաբերյալ որոշում կայացնելու համար: Համայնքների կողմից առաջարկվող էներգետիկ և կլիմայական ծրագրերի հետագա զարգացման և իրականացման, ինչպես նաև ֆինանսական հաստատություններին այդ ծրագրերի մասին առավել համապարփակ տեղեկատվություն տրամադրելու նպատակով, ԵՀ «Քաղաքապետերի դաշնագիր՝ Արևելք» նախաձեռնության կողմից ստեղծվել է «Համայնքային ծրագրային առաջարկների շտեմարան» առցանց գործիք-հավելվածը:
Գործիքը նպատակ ունի հնարավորություն ընձեռել Դաշնագրի ստորագրողներին ներբեռնել ծրագրային առաջարկներ և դրանք պահել առցանց տվյալների բազայում: Շահագրգիռ կողմերը (միջազգային ֆինանսական կառույցները, ներդրողներ, դոնորներ, կառավարություններ, տարածաշրջանային/տեղական իշխանություններ և այլն) կարող են առցանց շտեմարանից ընտրել մեկ կամ մի քանի ծրագրեր և ծանոթանալ ընտրության չափանիշներին համապատասխանող ծրագրերի հիմնական ցուցանիշներին:
Շտեմարանից կարող են օգտվել հետևյալ շահառուները. (i) համայնքապետարաններ (ծրագրային առաջարկներ մշակողներ և ներբեռնողներ) և ներդնողներ (առաջարկներ ուսումնասիրողներ): Ծրագրեր կարող են ներկայացվել հետևյալ հինգ ոլորտների համար՝ շենքերի վերանորոգում, կենտրոնական ջեռուցում, փողոցային լուսավորություն, վերականգնվող էներգետիկա և հարմարվողականություն: Առցանց շտեմարանը հասանելի է անգլերենով և 5 ազգային լեզուներով (հայերեն, ադրբեջաներեն, վրացերեն, ռումիներեն և ուկրաիներեն):
Եթե ունեք հարցեր, խնդրում ենք մի հապաղեք կապվել մեզ հետ հետևյալ էլեկտրոնային փոստի միջոցով՝ comprojects-eap@eumayors.eu: Շտեմարանի հղումը բերված է ստորև: