„მერების შეთანხმება აღმოსავლეთის“ პრაქტიკოსთა გუნდი

ჯგუფის მუშაობის მხარდაჭერა ხდება „მერების შეთანხმება აღმოსავლეთის“ დახმარების გუნდის, როგორც პრაქტიკოსთა ჯგუფის ტექნიკური სამდივნოს მეშვეობით, რომლის წევრები არიან:
• ქ-ნი ირინა ჰოროდისკა, შესაძლებლობების გაძლიერების და დახმარების გუნდის კოორდინატორი, „მერების შეთანხმება აღმოსავლეთი“;
• ბ-ნი არტემ ხარაზიანი, ტექნიკური დახმარების გუნდის რეგიონული კოორდინატორი, „მერების შეთანხმება აღმოსავლეთი“.

სამდივნო პასუხისმგებელია შემდეგ აქტივობებზე:
• ჯგუფის შეხვედრების ორგანიზება;
• შეხვედრებისა და დისკუსიების მასალების მომზადება და გავრცელება;
• შეხვედრების მოდერაცია და ჯგუფის მიერ მიღებული გადაწყვეტილებების აღრიცხვა;
• დამატებითი ინფორმაციისა და განმარტებების მიწოდება პრაქტიკოსების მოთხოვნით;
• მიღებული კომენტარებისა და რეკომენდაციების ჩართვა საბოლოო დოკუმენტებში და ა.შ.

CoM East-ის რეგიონალური პრაქტიკოსების ჯგუფის პირველი შეხვედრა ჩატარდა კიშინიოვში (მოლდოვა) 2024 წლის 5 ივნისს.
შეხვედრის მიზანი იყო 2050 წლისთვის სათბურის გაზების ემისიების შემცირების და კლიმატის ნეიტრალურობის ახალი, გრძელვადიანი ვალდებულებების რეკომენდაციების მომზადება CoM East-ის ხელმომწერებისთვის. ასევე, 2030 წლისთვის, სათბურის გაზების ემისიების მინიმუმ 35%-იანი შეამცირების დადასტურება. გრძელვადიანი მიზნების რეკომენდაციების მიწოდება CoM East-ის საბჭოსთვის შემდგომი განხილვისა და დამტკიცებისთვის.

ღონისძიებაში მონაწილეობა მიიღეს სომხეთის, აზერბაიჯანის, საქართველოს, მოლდოვისა და უკრაინის ეროვნული პრაქტიკოსების ჯგუფების (PG) წარმომადგენლებმა, CoM East-ის პრაქტიკოსების ჯგუფის სამდივნომ, ევროკავშირის დელეგაციამ მოლდოვის რესპუბლიკაში, ევროკომისიის გაერთიანებული კვლევითი ცენტრმა (JRC), ასევე DG NEAR-ისა და კლიმატის ალიანსის წარმომადგენლებმა (ონლაინ ფორმატში).

მონაწილეები გაეცნენ რეგიონალური ჯგუფის შექმნის მიზნებს, ევროკავშირის კლიმატის ნეიტრალიტეტის გრძელვადიან სტრატეგიას, რომელიც გაწერილია ევროკავშირის კლიმატის კანონში და მწვანე შეთანხმებაში, ასევე ეროვნული პრაქტიკოსების ჯგუფების მიერ წარმოდგენილ წინასწარ რეკომენდაციებს, რომლებიც ეფუძნებოდა აღმოსავლეთ პარტნიორობის ქვეყნებში ჩატარებული ეროვნული გამოკითხვებისა და დისკუსიების შედეგებს.

PG სამდივნოსა და JRC-ის მიერ წარდგენილი პრეზენტაციების შემდეგ, ეროვნული დელეგაციების წარმომადგენლებმა შეაფასეს ეროვნული კლიმატის ცვლილების სტრატეგიების ძირითადი პუნქტები და განაახლეს ჯგუფი ეროვნული პრაქტიკოსების ჯგუფების მიერ წარდგენილი საბოლოო რეკომენდაციების შესახებ.

შეხვედრის დასკვნით სესიაზე პრაქტიკოსებმა განიხილეს წარდგენილი რეკომენდაციები და წარმოადგინეს მიდგომები ძირითადი საკითხების მოსაგვარებლად, როგორიცაა:

• ეროვნული კლიმატური სტრატეგიების (NDC) საბაზისო და CoM East-ის ხელმომწერთა საბაზისო წლებს შორის სხვაობა,
• 1990 წლის მონაცემების სიმწირე მუნიციპალურ დონეზე, რაც ართულებს ეროვნული და ადგილობრივი ვალდებულებების ჰარმონიზაციას.

მსჯელობის შედეგად შემუშავდა CoM East-ის ხელმომწერებისთვის 2050 წლისთვის სათბურის გაზების ემისიების გრძელვადიანი შემცირების სამიზნე მაჩვენებლების შესახებ რეკომენდაციები, რომლებიც წარედგინა CoM East-ის საბჭოს განსახილველად:

1. CoM East-ის ხელმომწერებისთვის 2050 წლისთვის სათბურის გაზების ემისიების მინიმუმ 60%-ით შემცირება, 1990 წელთან შედარებით.
2. CoM East-ის ხელმომწერების მიერ, NDC ვალდებულებებთან და აღმოსავლეთ პარტნიორობის რეგიონის მინიმალურ მიზნებთან შედარებით უფრო ამბიციური გრძელვადიანი მიზნების მიღწევის რეკომენაციები.
3. რეკომენდაცია,CoM East-ის ხელმომწერებისთვის, განსაზღვრონ 2050 წლისთვის 60%-ზე ნაკლები (მაგრამ არანაკლებ 40%-ისა), გრძელვადიანი მიზანი თუ საბაზისო წლად შერჩეულია 2005 ან ნებისმიერი შემდგომი წელი.

ხელმოწერების მიერ საკუთარი ვალდებულებების უფრო იოლად შესრულების მიზნით, CoM East ითხოვს JRC-სგან, რაც შეიძლება მალე შეიმუშავოს მეთოდოლოგია/ინსტრუმენტი:

• 1990 წლის, ენერგეტიკის და კლიმატის მუნიციპალური მონაცემების გადაფასებისთვის, თუ ფაქტობრივი მონაცემები დაკარგულია.
• ეროვნული და ადგილობრივი სათბურის გაზების ემისიების შემცირების ვალდებულებების ჰარმონიზაციისთვის.

წარდგენილი რეკომენდაციები დამტკიცდა CoM East-ის საბჭოს მეორე შეხვედრაზე, რომელიც გაიმართა 2024 წლის 3 სექტემბერს.

ახალი სამიზნე მაჩვენებლები ძალაში შევა 2025 წლის იანვრიდან.