Горад Хмяльніцкі падпісаў Пагадненне Мэраў і мае амбіцыйную палітыку, накіраваную на скарачэнне выкідаў парніковых газаў на лакальным узроўні, што ўключае меры па змякчэнні наступстваў і адаптацыі да зменаў клімату.
У якасці прыярытэту гарадскія ўлады выбралі сектар цвёрдых бытавых адкідаў і, пры дапамозе міжнародных фінансавых інстытуцый і іншых зацікаўленых бакоў, пачалі рэалізацыю шэрага мер дзеля паляпшэння сектара. На працягу 2-3 год плануецца скараціць аб’ёмы гарадскіх бытавых і будаўнічых адкідаў, што трапляюць на гарадскую звалку, на 87% адносна аб’ёмаў 2020 года.
