Տեղական էներգիայի և կլիմայի օրերը տեղական մակարդակում իրականացվող միջոցառումներ են, որոնց նպատակն է բնակչության իրազեկվածության բարձրացումը էներգաարդյունավետության, վերականգնվող էներգիայի, էներգետիկ ու կլիմայական փոփոխությունների միջև կապերի մասին: Հիմնականում նույն ժամանակահատվածում անցկացվող Էներգիայի օրերն ընթանում են տարբեր քաղաքներում, կարող են տարբերվել միմյանցից, բայց սովորաբար դրանք ներառում են սեմինարներ, ցուցահանդեսներ, էքսկուրսիաներ և բաց դռների օրեր:
Էներգիայի օրեր կարող են անցկացվել այլ միջոցառումների հետ համատեղ (օրինակ՝ քաղաքների օրեր), որոնք կազմակերպվում են տեղական իշխանությունների և/կամ այլ կազմակերպիչների կողմից:
Միջոցառումների կազմակերպման ժամանակ խորհուրդ է տրվում ուշադրություն դարձնել այնպիսի տեղեկատվական նյութերին, ինչպիսիք են բրոշյուրները, թերթիկները, որոնք բնակչության և միջոցառումների մասնակիցների համար հեշտացնում են տեղեկատվության ստացումը: