მერების შეთანხმება კლიმატისა და ენერგეტიკისთვის (2)
რა სიახლეს შეიცავს მერების შეთანხმება კლიმატისა და ენერგეტიკისთვის?
Written by Anna Zenzinaხედვა, მისწრაფებები, სამუშოს მოცულობა
"მერების შეთანხმება კლიმატისა და ენერგეტიკისთვის" – ეს ინიციატივა წამოწყებული იყო 2015 წლის 15 ოქტომბერს "მერების შეთანხმებისა" და "მერები ადაპტირდებიან" ერთობლივ ცერემონიაზე, სადაც დამტკიცდა გრძელვადიანი ხედვა და ახალი ვალდებულებები 2030 წლამდე.
ეს ინიციატივა განსაზღვრავს ურთიერთდაკავშირებლი გამოწვევების გამკლავებაზე მიმართულ ახალ ვალდებულებას(ებს) და ერთობლივ გრძელვადიან ხედვას: კლიმატის ცვლილების შედეგების შერბილება, ადაპტაცია და ყველასთვის გარანტირებული, მდგრადი, და ფინანსურად ხელმისაწვდომი ენერგიის უზრუვნელყოფა.
ახალი ხედვა სამ ნაწილიანია და შეიცავს:
ჩვენი ტერიტორიების დეკარბონიზაციის დაჩქარებას, რითაც მიიღწევა გლობალური დათბობის საშუალოდ 2°C–ზე ნაკლებზე დაყვანა.
კლიმატის ცვლილების გარდაუვალ ზემოქმედებასთან ადაპტაციის პოტენციალის გაძლიერება, რაც ჩვენი ტერიტორიების შეუპოვრობას შეუწყობს ხელს.
ენერგოეფექტურობის ამაღლება და ენერგიის განახლებადი წყაროების გამოყენება ჩვენს ტერიტორიებზე ყველასთვის გარანტირებული, მდგრადი, და ფინანსურად ხელმისაწვდომი ენერგიის უზრუვნელსაყოფად.
ეს ინიციატივა ასევე გულისხმობს ახალ "გლობალურ წამოწყებას", რომლის ფაგრლებშიც ხელმომწერებს საშუალება ეძლევათ კოლეგებს გაუზიარონ საკუთარი ხედვები, შედეგები, გამოცდილება და ნოუ–ჰაუ ევროკავშირის შიგნით და მის ფარგლებს გარეთ დეცენტრალიზებული თანამშრომლობისა და ქალაქების დაძმობილების გზით.
ვალდებულებები
ხელმომწერები, 2030 წლისათვის ვალდებულობენ მინიმუმ 30%–თ შეამცირონ ნახშირბადის ემისია საკუთარ ტერიტორიაზე და აამაღლონ მდგრადობა კლიმატის ცვლილების მიმართ, ასევე გაზარდონ ძალისხმევა ყველასთვის გარანტირებული, მდგრადი, და ფინანსურად ხელმისაწვდომი ენერგიის მიწოდებისთვის.
იმისათვის, რომ ვალდებულებები საქმეში გადაიზარდოს ხელმომწერი ვალდებულებას იღებს, ორი წლის ვადაში ადგილობრივი საბჭოს მიერ გადაწყვეტილების მიღებისა და ოფიციალური ხელმოწერის შემდეგ, წარმოადგინოს მდგრადი ენერგეტიკისა და კლიმატის სამოქმედო გეგმა (SECAP) და ასევე შესაბამის პროგრამებზე, სტრატეგიასა და გეგმებზე მორგებული ადაპტაციის მოსაზრებები.
ჩემი ადგილობრივი ხელისუფლება უკვე არის მერების შეთანხმების ხელმომწერი – როგორ შეგვიძლია ახალი ვალდებულების აღება?
Written by Anna Zenzinaროგორც მომქმედმა ხელმომწერმა შეგიძლიათ შეთანხმების ფარგლებში ნებისმიერ დროს აიღოთ ახალი ვალდებულებები ქალაქის საბჭოში მათი დამტკიცების და ახალ ვალდებულებებთან მიერთების შესაბამისად ხელმოწერილი ფორმის წარდგენის შემდეგ. ეს ფორმა ჩვენთან შეგიძლიათ მოიპოვოთ.
თუ მერების შეთანხმებაზე ხელი მოწერილი გაქვთ, მაგრამ ჯერ არ დაგიწყიათ მდგრადი ენერგეტიკის სამოქმედო გეგმის მომზადება:
- სანაცვლოდ შეგიძლიათ მიმართოთ თქვენი ძალისხმევა მდგრადი ენერგეტიკისა და კლიმატის (SECAP) სამოქმედო გეგმის მომზადებისკენ, რომელიც 2030 წლამდე ვადებზე იქნება გათვლილი როგორც კლიმატის ცვლილების ზეგვლიენის შერბილების, ისე მის მიმართ მედეგობის ამაღლების თვალსაზრისით. თქვენი SECAP–ს წარდგენისას მოგეთხოვებათ ასევე ხელშეკრულებასთან მიერთების ახალი ფორმის შევსებაც.
თუ მერების შეთანხმებაზე ხელი მოწერილი გაქვთ და მდგრადი ენერგეტიკული განვითარების სამოქმედო გეგმაც წარდგენილი გაქვთ:
ფოკუსირება უნდა მოახდინოთ თქვენი საქალაქო საბჭოს მიერ 2020 წლამდე აღებული ვალდებულებების შესრულებაზე, და ასევე შეაფასოთ ამ მიმართულებით არსებული მიღწევები. თუ გსურთ მდგრადი ენერგეტიკისა და კლიმატის (SECAP) სამოქმედო გეგმის წარდგენა 2020 წლამდე, ჯერ უნდა წარადგინოთ ანგარიში მდგრადი ენერგეტიკული განვითარების სამოქმედო გეგმის (SEAP) შესრულების ანგარიში მონიტორინგის არსებული შაბლონის შესაბამისად.
თითოეული მომქმედი ხელმომწერი, საკუთარი გეგგმის ციკლურობიდან გამომდინარე, თავად წყვეტს როდის აიღოს ახალი ვალდებულებები და, შესაბამისად, მოამზადოს და წარადგინოს SECAP.
გთხოვთ გაითვალისწინოთ, რომ ხელისუფლების ადგილობრივმა ორგანოებმა, რომლებსაც 2020 წლამდე ვალდებულებებზე ხელი აქვთ მოწერილი და ახლა სურთ ახალი ვალდებულებების აღება, კლიმატისა და ენერგეტიკისთვის მერების ახალ შეთანხმებასთან მიერთების მიზნით, შევსებული ფორმა უნდა გაგზავნონ პირდაპირ ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. მისამართზე, რადგან ამ შემთხვევაში ონლაინ დარგისტრირების საშუალება არ არსებობს.