რა უნდა შევიდეს მონიტორინგის ანგარიშში და როდის უნდა იქნეს შეტანილი? შეთანხმების ხელმომწერებისთვის არსებობს ორი განსხვავებული ვარიანტი:
Written by Anna Zenzina1) ანგარიში საქმიანობის შესახებ
სამოქმედო გეგმის შეტანიდან ყოველ ორ წელიწადში ერთხელ შეთანხმების ხელმომწერნი ატარებეს საკუთარი მიღწევების მონიტორინგს საქმიანობის ანგარიშის სახით, სადაც შედის:
ანგარიში შესრულების მდგომარეობის შესახებ ხარისხობრივ ჭრილში, ადაპტაციის სკალის ბოლო ინფორმაცია, რისკებისა და მოწყვლადობის შეფასება და ადაპტაციის მიზნით გადადგმული ნაბიჯების ცხრილის განახლებული ვარიანტი.
2) სრული ანგარიშგება
სამოქმედო გეგმის შეტანიდან ყოველ ოთხ წელიწადში შეთანხმების ხელმომწერებმა უნდა წარადგინონ უფრო რაოდენობრივი ანგარიში – სრული ანგარიშგება, სადაც შედის:
ემისიის ინვენტარიზაციის მონიტორინგი და მიღებული ზომების რაოდენობრივი შედეგები, როგორიცაა ენერგიის დაზოგვა, განახლებადი ენერგიის წარმოება, CO2 ემისიის შემცირება.
ადაპტაციის სკალის ახალი მონაცემები, რისკებისა და მოწყვლადობის შეფასება და ადაპტაციის მიმართულებით განხორციელებული, მინიმუმ 3 ძირითადი აქტივობის ბოლო მონაცემები.
ეს ანგარიშგების მინიმალური მოთხოვნებია, თუმცა, როგორც საქმიანობის შესახებ ანგარიშგება, ისე სრული ანგარიშგება ხელმომწერმა შეიძლება გააკეთოს იმ სიხშირით, რომელსაც საჭიროდ ჩათვლის იმისთვის, რომ გაიაზროს, თუ რამდენად წარმატებით ასრულებს საკუთუთარ ვალდებულებებს. უფრო დაწვრილებითი ინფორმაციისთვის გთხოვთ იხილოთ "Quick Reference Guide on Monitoring" და "Covenant of Mayors for Climate and Energy Reporting Guidelines" , რომლებიც website library ვებ–გვერდზეა განლაგებული.
მონიტორინგი და შედეგების შეფასება მნიშვნელოვანია, რათა შესაძლებელი იყოს მთავარი მიღწევების დანახვა და სამოქმედო გეგმის მუდმივი გაუმჯობესება (თუ საჭირო გახდა კორექციის ზომების მიღება). მერების შეთანხმების ხელმომწერებს გააჩნიათ მონიტორინგის ანგარიშების რეგულარული წარდგენის ვალდებულება, რათა თვალსაჩინო გახდეს მიღწეული შედეგები როგორც განხორციელებული ზომების, ისე СО2–ს ემისიის შემცირების თვალსაზრისით.
უფრო დეტალური ინფორმაციის მისაღებად გთხოვთ იხილოთ მონიტორინგის მოკლე ცნობარი.
რა ხდება მაშინ, როცა CO2–ს ემისიის შემცირების სამიზნე წლებად 2020 ან 2030 წ.წ. კი არა გაქვთ აღებული,, არამედ სხვა ვადები?
Written by Anna Zenzina2020 და 2030 წლები, მერების შეთანხმების შესაბამისად, თქვენი ვალდებულებების შესრულების ვადებია. ამ მიზეზით, და ასევე იმისთვის, რომ შედარების საშუალება არსებობდეს, მერების შეთანხმების ყველა ხელმომწერმა სამიზნე წლად 2020 ან 2030 წელი უნდა დაისახოს. მაგალითად, თუ თქვენი ხელისუფლების ადგილობრივი ორგანო უფრო გრძელვადიან, 2030 წლის იქით, მიზნებს ისახავს, ამასთანავე აუცილებელია შუალედური მიზნების დასახვაც 2020 ან 2030 წლისთვის, იმის მიხედვით, თუ რომელი ვალდებულებაა აღებული მერების შეთანხმებით. SEAP/SECAP შაბლონური ფორმაის "სტრატეგიის" ნაწილში შეგიძლიათ, საკუთარი არჩევანის მიხედვით, დააკონკრეტოთ 2020, 2030, და გრძელვადიანი მიზნები (ფაკულტატური).
როგორ უნდა გამოითვალოს CO2–ს მოსალოდნელი საბოლოო შემცირება სექტორების მიხედვით SEAP / SECAP შაბლონის ფორმაში?
Written by Anna ZenzinaCO2–ს ემისიის შემცირების გამოთვლა (SEAP –თვის 2020 წლამდე, ხოლო SECAP–თვის 2030 წლმადე) უნდა წარადგინოთ შაბლონის გრაფაში "თქვენი სამოქმედო გეგმის საკვანძო ელემეტები" ('Key elements of your Action Plan'). შეთანხმების ხელმომწერებმა შეიძლება გადაწყვიტონ, რომ ეს გამოთვლები ჩაატარონ "საბაზო წლის მონაცემების საფუძველზე' (იხ. ვარიანტი 1), ან ბოლო წლის ინვენტარიზაციის შედეგებთ (ვარიანტი 2).
მაგალითი
საბაზო წელი: 1990
CO2–ს ემისიის საერთო მოცულობა საბაზო წელს: 1 მილიონი ტონა
მიზანი: 25%–ანი შემცირება, ანუ 250 000 ტონა
CO2–ს ემისიის ჯამური მოცულობა 2009 წელს: 900 000 ტონა CO2–ს ემისიის ინვენტარიზაციის ბოლო წლის მონაცემების მიხედვით
ვარიანტი 1: თქვენი საბაზისო ინვენტარიზაციის შედეგები ჩათვალეთ ეტალონურ მონაცემებად და შეაფასეთ თვითეული სექტორის მოსალოდნელი წვლილი CO2–ს შემცირების საერთო ამოცანის შესრულებაში.
ამ ვარიანტით CO2–ს, ჯამური მოსალოდნელი შემცირება სექტორების მიხევით უნდა შეესაბამებოდეს CO2 –ს შემცირების საბოლოო მიზანს. ამ მაგალითში ეს რიცხვი უნდა შეადგენდეს 250 000 ტონას.
ვარიანტი 2: თქვენი ბოლო ინვენტარიზაციის შედეგები ჩათვალეთ ეტალონურ მონაცემებად შეაფასეთ თითოეული სექტორის მოსალოდნელი წვლილი იმ ძალისხმევაში, რომელიც ჯერ კიდევ გასაწევია 2020 წლის საერთო მიზნის მისაღწევად.
ამ ვარიანტით CO2–ს, ჯამური მოსალოდნელი შემცირება სექტორების მიხევით უნდა შეესაბამებოდეს დარჩენილ ძალისხმევას. ამ მაგალითში იგი შეესაბამება 150 000 ტონას: რადგან 1990 წლიდან მოყოლებული უკვე მიაღწიეთ СО2–ს ემისიის შემცირებას 100 000 ტონით, მიზნად დაგრჩათ "მხოლოდ" კიდევ 150 000 ტონით შემცირება. ეს ვარიანტი ვალიდურია მხოლოდ იმ შემთხვევაში, თუ ჩატარებული გაქვთ ემისიების სამონიტორინგო ინვენტარიზაცია და ანგარიში ამის შესახებ ჩაბარებული გაქვთ SEAP/SECAP შაბლონური ფორმით.
შენიშვნები:
- სექტორების დონეზე ეს გათვლები სავალდებულოა იმ სექტორებისთვის, რომელშიც გათვალისწინებულია აქტივეობები თქვენი სამოქმედოგეგმის მიხედვით
- თუ საბაზო წლად ბოლო წელი გაქვთ აღებული, მაშინ ორივე ვარიანტმა ერთნაირი ციფრები უნდა მოგვცეს. ეს ვარიანტები შემუშავებული იყო იმ ქალაქებისთვის დასახმარებლად, რომლებსაც საბაზო წლად დიდ ხნის წინანდელი წლები აქვთ აღებული (მაგ. 1990 წ.)
- ამ ციფრების საფუძველზე გამოყვანილი გრაფიკული გამოსახულება გამოქვეყნდება მერების შეთანხმების ვებ–გვერდზე, ხელმომწერის პროფილში.
SEAP / SECAP შაბლონური ფორმის შევსებისას რამდენად აუცილებელია,, რომ შეთანხმების ხელმომწერმა ასევე ჩააბაროს ანგარიში უკვე ჩატარებული ღონისძიებების შესახებ, რომლებმაც CO2–ს ემისიის მნიშვნელოვანი შემცირება გამოიწვია?
Written by Anna Zenzinaთუ თქვენ უკვე განახორციელეთ ემისიის შემცირებაზე მიმართული ღონისძიებები, შედეგები ნათელი ხდება საბაზისო ინვენტარიზაციის (BEI) მონაცემების შემდგომ ინვენტარიზაციებთან შედარების შედეგად. შეგიძლიათ აღწეროთ ეს ღონისძიებები როგორც სამოქმედო გეგმაში, ისე მონიტორინგის ანგარიშებში. არ არის აუცილებელი წარსულ (დასრულებულ) ღონისძიებებზე ანგარიშის წარდგენა სამოქმედო გეგმის შაბლონურ ფორმაში, რადგან ამ ეტაპზე თქვენ მხოლოდ განსაზღვრავთ სამომავლო მოქმედებებს, რომლებიც დასახული მიზნის მისაღწევადაა საჭირო. თუ გადაწყვეტთ, რომ ძველი საქმიანობა შეიტანოთ სამოქმედო გეგმაში, მაშინ მათ, თქვენს შაბლონის ფორმაში, უნდა დაარქვათ "ხარისხის საუკეთესო მაჩვენებლები" და ცალკე გმოყოთ ისინი შეთანხმების ვებ–გვერდის "ხარისხის სუკეთესო მაჩვენებლების" კატალოგში.
SEAP / SECAP შაბლონური ფორმის შევსებისას რამდენად აუცილებელია, რომ შეთანხმების ხელმომწერმა წარადგინოს მხოლოდ საკუთარი საბაზისო ემისიის ინვენტარიზაცია (BEI), თუ შესაძლებელია საბაზისო წლის შემდგომი ინვენტარიზაციების ჯამური შედეგების შეტანაც?
Written by Anna Zenzinaსაკუთარი სამოქმედო გეგმის წარდგენისას შეთანხმების ხელმომწერთ მოეთხოებათ შეავსონ საკკუთარი საბაზისო ემისიის ინვენტარიზაცია, როგორც შბლონური ფორმის ნაწილი. ამასთანავე, სასურველია, რომ შეტანილი იყოს ინფორმაცია შემდგომი ინვენტარიზაციების შესახებ, ე.წ. ემისიების სამონიტორინგო ინვენტარიზაციები (MEIs), თუკი ასეთები არსებობს (გასაკუთრებით სულ ბოლო). მაგალითად, შეთანხმების ზოგიერთ ხელმომწერს ჩატარებული აქვს 1990 წლის საბაზისო ემისიის ინვენტარიზაცია და შემდეგ დამატებული აქვს უფრო გვიანდელი ინვენტარიზაციები (MEIs) სამოქმედო გეგმის შბლონურ ფორმაში.
შაბლონური ფორმა რომელ ფორმატშია ხელმისაწვდომი?
Written by Anna Zenzinaმერების შეთანხმების თქვენი სამოქმედო გეგმა შეტანილი უნდა იყოს ონ–ლაინ შაბლონური ფორმის გამოყენებით, რომელიც განლაგებულია 'My Covenant' ვებ გვერდზე.
SECAP შაბლონური ფორმის ვერსია ჩამოსატვირთად მოიპოვება ვებ–გვერდის ბიბლიიოთეკაში. ეს EXCEL–ს შაბლონური ფორმა წარმოადგენს ოფიციალური ონ–ლაინ შაბლონური ფორმის ოფ–ლაინ სამუშაო ვერსიას. ონ–ლაინ ოფიციალური შაბლონური ფორმა ივსება ინგლისურად და შეიტანება ონ–ლაინ. მიაქციეთ ყურადღება, რომ შეუძლებელია EXCEL–ში შეტანილი მონაცემების ექსპორტირება ონ–ლაინ პლატფორმაზე და პირიქით.
მერების შეთანხმების ანგარიშგების შაბლონური ფორმები საშუალებას აძლევს ხელმომწერებს სტრუქტურირებულად განაზოგადონ მათი სამოქმედო გეგმების ძირითადი ელემენტები და თვალი მიადევნონ შესრულებას მონიტორინგის სტადიაზე. ეს შაბლონები მერების შეთანხმების ოფისის და გაერთიანებული კვლევითი ცენტრის მიერ, ხელისუფლების ადგილობრივი და რეგიონული ორგანოების პრაქტიკოსებთან თანამშრომლობით, არის შემუშავებული.
საკუთარ სახელმწიფო ენაზე შედგენილი სამოქმედო გეგმის დოკუმენტის შეტანისას ხელმომწერებმა ონ–ლაინ შაბლონური ფორმაც უნდა შეავსონ, რომელიც, ინგლისურ ენაზე, მოიპოვება შეთანხმების შეზღუდული წვდომის ვებ–გვერდზე ‘My Covenant’. მხოლოდ ამ პროცედურის დასრულების შემდეგ ხდება მერების შეთანხმების სამოქმედო გეგმის ოფიციალური შეტანა.
SEAP–ს შაბლონური ფორმა, რომელსაც 2020 წლამდე მერების შეთანხმების ხელმომწერნი ამჟამად იყენებენ შედგება სამი ძირითადი ნაწილისაგან:
- ზოგადი სტრატეგია: განსაზღვრავს CO2–ს გამოფრქვევის შემცირების საბოლოო მიზანს, საერთო ხედვას, თანამშრომლებისა და ფინანსური სახსრების განაწილებას, დაინტერესებული მხარეებისა და მოქალაქეების მოზიდვას და ა.შ.
- ემისიების ინვენტარიზაცია: გვიჩვენებს ენერგიის საბოლოო მოხმარების არსებულ მდგომარეობას და CO2–ს გამონაბოლქვს ენერგომატარებლებისა და სექტორების მიხედვით.
- სამოქმედო გეგმა: განსაზღვრავს საერთო სტრატეგიის რეალიზაციაზე მიმართულ ძირითად ნაბიჯებს და ვადებს, აღებულ ვალდებულებებს, გამოყოფილ ბიუჯეტსა და ზეგავლენების
გთხოვთ, იხილოთ 'მდგრადი ენერგეტიკული განვითარების სამოქმედო გეგმების შესრულების ანგარიშგებისა და მონიტორინგის გაიდლაინები' ვებ–გვერდის ბიბლიოთეკაში.
SECAP–ს შაბლონური ფორმა, რომელსაც მდგრადი ენერგეტიკული განვითარებისა და კლიმატის შესახებ მერების შეთანხმების ხელმომწერები ამჟამად იყენებენ, და რომელიც კლიმატის ცვლილების ზეგავლენის შერბილებისა და ადაპტაციისთვის 2030 წლამდე პერიოდს მოიცავს, შედგება შემდეგი ნაწილებისგან:
შესავალი:
- სტრატეგია: აკონკრეტებს როგორც შერბილების, ისე ადაპტაციის მიმართულებით აღებული ვალდებულებების შესრულების ზოგად სტრატეგიას. მასში გაერთიანებულია ხედვა, CO2–ს ემისიის შემცირების მიზანი, ადაპტაციის მიზნები, თანამშრომლებისა და ფინანსური რესურსების განაწილება, სხვა დაინტერესებული მხარეებისა და მოქლაქეების მოზიდვა.
თავი I: ენერგეტიკა და კლიმატის ცვლილების ზეგავლენის შერბილება:
- ემისიების ინვენტარიზაცია; მიუთоთებს ენერგიის საბოლოო მოხმარების არსებულ მდგომარეობაზე და მასთან დაკავშირებულ CO2–ს ემისიას ნერეგომატარებლებისა და სექტორების მიხედვით;
- შერბილების ღონისძიებები: განსაზღვრავს კლიმატის ცვლილების ზემოქმედების შერბილების ძირითად ღონისძიებებს, რომლებიც საერთო სტრატეგიის განხორციელებაზე უნდა იყოს მიმართული, ასევე ვადებს, აღებულ ვალდებულებებს, გამოყოფილ ბიუჯეტსა და ზეგავლენების შეფასებას.
თავი II: კლიმატის ცვლილებასთან ადაპტაცია:
- ადაპტაციის შეფასების სკალა: იძლევა ხელისუფლების ადგილობრივ ორგანოებში ადაპტაციის პროცედურის თვალსაზრისით არსებული მდგომარეობის მოკლე მიმოხილვას.
- რისკები და მოწყვლადობა: განსაზღვრავს პოტენციურ სექტორებს და რისკის დონეს, რომელსაც მათ ცლიმატის ცლილება უქმნის;
- ადაპტაციის ღონისძიებები: განსაზღვრავს ძირითადი აქტივობების სიას იმისათვის, რომ მოხდეს ზოგადი სტრატეგიის რეალიზაცია თავისი ვადებით, აღებული ვალდებულებებით, და გამოყოფილი ბიუჯეტით; ასევე იმას, თუ რა რისკებსა და სისუსტეებს შეიცავს ესა თუ ის აქტივობა;
- მაჩვენებლები: წარმოადგენს ერთგვარ საკონტროლო ნუსხას, რომელიც კლიმატის ცვლილებასთან ადაპტაციის კომპლექსური გეგმის შესრულების სულისჩამდგმელის როლში უნდა გამოვიდეს.
გთხოვთ, იხილოთ 'ენერგიისა და კლიმატისთვის მერების შეთანხმების შესრულებაზე ანგარიშგების ეტაპობრივი ინსტრუქციები ვებ–გვერდის ბიბლიოთეკაში.
შეგროვილი ინფორმაციის ძირითადი მომენტები შაბლონურ ფორმაში გრაფიკულ ფორმატშია მოცემული, რომელიც შემდგომში მერების შეთანხმების ვებ–გვერდზე თითოეული ხელმომწერის პროფილში ჩნდება.
რა ხდება SEAP–ს შეტანის შემდეგ? – SEAP / SECAP–ს შეფასება
Written by Anna Zenzinaანგარიშგების ონ–ლაინ პლატფორმა 'My Covenant'–ს საშუალებით თქვენი სამოქმედო გეგმის შეტანის შემდეგ თქვენი გეგმის ყველა ძირითადი რეზულტატი, ავტომატურად, გრაფიკულ ასახვას ჰპოვებს მერების ხელშეკრულების ვებ–გვერდზე განლაგებულ თქვენს "ხელმომწერის პროფილში". ამასთანავე, სურვილის შემთხვევაში, თქვენს მიერ ატვირთული მთელი დოკუმენტაცია შეიძლება გახდეს ხელმისაწვდომი თქვენს საჯარო პროფილზე ჩასატვირთად.
ამის შემდეგ სამოქმედო გეგმა გადაიცემა შეფასების პროცესის გასავლელად, რომელსაც ატარებს ევროკომისიის ერთობლივი კვლევითი ცენტრი, რომელიც ამოწმებს, თუ რამდენად აკმაყოფილებს თქვენი გეგმა ვარგისიანობის კრიტერიუმებს და გიგზავნით საპასუხო ანგარიშს.
შეფასების პროცესი ძირითადად ემყარება SEAP / SECAP ონ–ლაინ შაბლონის ფორმაში კოდირებულ აღწერებს. ამიტომ მერების შეთანხმების ყველა ხემომწერი ვალდებულია უზრუნველჰყოს, რომ შაბლონის ფორმაში შეტანილი ინფორმაცია შეესაბამებოდეს მათ სრულ SEAP / SECAP დოკუმენტს.
ვარგისიანობის კრიტერიუები შემდეგია:
1) სამოქმედო გეგმა დამტკიცებული უნდა იყოს ქალაქის საბჭოს, ან მისი ექვივალენტური ორგანოს მიერ.
2) სამოქმედო გეგმაში დაკონკრეტებული უნდა იყოს მერების შეთანხმების ფარგლებში აღებული ვალდებულებები კლიმატის ცვლილების ზემოქმედების შედეგების შერბილების (ე.ი. СО2–ს გამოფრქვევის შემცირება მინიმუმ 30%–თ 2030 წლამდე) და ადაპტაციის შესახებ.
3) სამოქმედო გეგმა უნდა ემყარებოდეს ემისიის საბაზისო ინვენტარიზაციის (BEI) და კლიმატური რისკებისა და მოწყვლადობის შეფასების შედეგებს.
4) კლიმატიც ცვლილების ზემოქმედების შედეგების შერბილებასთან დაკავშირებით სამოქმედო გეგმა უნდა მოიცავდეს საქმიანობის ძირითად სექტორებს (მუნიციპალური, არამუნიციპალური, საცხოვრებელი შენობები და ტრანსპორტი):
- ემისიის საბაზისო ინვენტარიზაციაში ამ ოთხიდან მინიმუმ სამი სექტორი უნდა შედიოდეს;
- კლიმატის ზემოქმედების შერბილების ღონისძიებები ამ ოთხიდან მინიმუმ ორ სექტორს უნდა მოიცავდეს.
შეთანხმების ხელმომწერს დაუკავშირდებიან, თუ ონ–ლაინ შაბლონის ფორმა არასრულად იქნება შევსებული, ან თუ რაიმე ინფორმაციის დამატება გახდა საჭირო.
შენიშვნა:
SEAP / SECAP ანალიზის სავარაუდო ვადა – ექვსი თვე.
თქვენი სამოქმედო გეგმის შეფასების შესახებ დაწვრილებითი ინფორმაციის მისაღებად შეგიძლიათ დაუკავშირდეთ ერთობლივ კვლევით ცენტრს ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. მისამართზე.
იმ შემთხვევებში, როცა სამოქმედო გეგმების კოორდინაციას შეთანხმების კოორდინატორი აწარმოებს, გაერთიანებულ კვლევით ცენტრს შეუძლია ჯგუფური ანალიზის ჩატარება, რაც დააჩქარებს მათ საპასუხო ანგარიშს. თუ თქვენს რაიონს/რეგიონს შემუშავებული აქვს ერთიანი მიდგომა სამოქმედო გეგმების შედგენაში ხელმომწერებისათვის დახმარების მიზნით, გთხოვთ დაუკავშირდეთ გაერთიანებულ კვლევით ცენტრს: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript. (მეტი ინფორმაცია იხ. აქ).
რა ვქნათ, თუ SEAP / SECAP დადგენილ ვადებში არ არის წარდგენილი?
Written by Anna Zenzinaთუ მერებბის შეთანხმების ხელმომწერმა არ შეიტანა განცხადება გადავადების თხოვნით:
ერთი გადავადების უფლება შეიძლება მიეცეს, იმ პირობით, რომ ხელმომწერი სათანადოდ შეავსებს გადავადების მოთხოვნის ონ–ლაინ ფორმას – გთხოვთ იხილოთ FAQ თავი სათაურით 'როგორ მოვითხოვოთ SEAP–ს შეტანის საბოლოო ვადის გაგრძელება?'
თუ მერების შეთანხმების ხელმომწერს ერთხელ უკვე უბოძეს გადავადება:
ინიციატივის გლობალური წარმატება და მისდამი ნდობა დიდად არის დამოკიდებული იმაზე, რომ სრულდებოდეს ხელმომწერების მიერ ნაკისრი ვალდებულებები. ევროკომისია, პატვის სცემს რა ადგილობრივი თვითმმართველობის სხვა ორგანოების ძალისხმევას, რომ დროულად შეასრულონ აღებული ვალდებულებები და გაითვალისწინონ მერების შეთანხმების ოფიციალური ტექსტის ის დებულება, რომელიც მის შეწყვეტას ეხება (*), შეაჩერებს ხელმომწერების მოქმედებებს, თუ დოკუმენტი გახანგრძლივებულ ვადებშიც არ იქნება შეტანილი. მიუხედავად ამისა, მერების ხელმომწერის სტატუსის კვლავ გააქტიურება ნებისმიერ დროსაა შესაძლებელი იმ პირობით, რომ მუნიციპალიტეტი შეასრულებს პირველად ვალდებულებას და წესითა და რიგით შეიტანს სამოქმედო გეგმას ონ–ლაინ ექსტრანეტ სისტემის საშუალებით ('My Covenant').
_____________________________________________________________
(*) მოკლე ამონაწერი შეთანხმების ოფიციალური ტექსტიდან (გვ. 7):
"მონაწილეობის შეჩერება პირობების დაუცველობის შემთხვევაში: ხელმომწეერნი თანახმა არიან, რომ შეუჩერდეთ ინიციატივაში მონაწილეობა – მერების შეთანხმების ოფისის წინასწარი წერილობითი შეტყობინების საფუძველზე – იმ შემთხვევაში, თუ ზემოთ ჩამოთვლილი დოკუმენტები (ე.ი. მდგრადი ენერგეტიკისა და კლიმატის სამოქმედო გეგმა და მონიტორინგის ანგარიშები) დადგენილ ვადებში არ იქნება წარმოდგენილი. ეს პროცედურა უზრუნველჰყოფს გამჭვირვალობას, სანდოობას და სამართლიანობას იმ ხელმომწერებთან მიმართებაში, რომლებიც ასრულებენ საკუთარ ვალდებულებებს.
_____________________________________________________________
შენიშვნა: შეჩერების ახალი, სრულიად ავტომატიზებული და გამჭვირვალე პროცედურის შემოღების შემდეგ ინფორმაცია იმის შესახებ, თუ რამდენად ასრულებს ხელმომწერი სკუთარ ვალდებულებებს საჯაროდ ხელმისაწვდომია და ინახება მათ ინდივიდუალურ პროფილში – იხ. ხელმმომწერთა სია. თუ ხელმომწერს სტატუსი შეჩერებული აქვს, საჯარო პროფილი განაცრისფერებულია და იუწყება "ხელმომწერის სტატუსი შეცერებულია – დოკუმენტების შემოტანის ვადა ამოიწურა"
More...
როგორ ვითხოვოთ SEAP / SECAP–ს შეტანის ვადის გაგრძელება?
Written by Anna Zenzinaხელმომწერები ვალდებულნი არიან წარადგინონ მდგრადი ეკონომიკური განვითარების სამოქმედო გეგმა (SEAP) მიერთბიდან 1 წლის ვადაში, ხოლო მდგრადი ეკონომიკური განვითარებისა და კლიმატის გეგმა (SECAP) – მიერთებიდან 2 წლის ვადაში*. თუ SEAP/SECAP ამ თარიღისთვის ვერ მოესწრო, შეთანხმების ხელმომწერებმა ვადის გაგრძელება უნდა ითხოვონ. ამისთვის საჭიროა გადავადების ონ–ლაინ ფორმის შევსება, რომელიც განლაგებულია საიტზე 'My Covenant' (მერების შეთანხმების ექსტრანეტ ვებ–გვერდი.
თუ ინდივიდუალური ხელმომწერი ხართ (ე.ი. არ განეკუთვნებით ტერიტორიულ კოორდინატორს):
ინდივიდუალურ ხელმომწერებს ეძლევათ 9–თვიანი გადავადება, იმ შემთხვევაში, როცა სიტუაცია, რომელიც ადგილობრივი ხელისუფლების კონტროლს არ ექვემდებარება არ იძლევა SEAP/SECAP–ს დროულად დასრულებისა და შეტანის საშუალებას.
საბოლოო ვადის 9 თვით გადადების პროცედურა:
- შედით ‘My Covenant’ საიტზე საკუთარი საიდენტიფიკაციო ნიშნებით;
- დააჭირეთ (დაკლიკეთ) '‘My Action Plan’ > ‘Submit a delay request’ და შევასეთ ფორმა (ასტერისკით * მონიშნული ყველა ველი აუცილებლადდ უნდა შეივსოს). მოთხოვნა უნდა შეიცავდეს გადავადების გამომწვევი მიზეზების ახსნას.
- დააჭირეთ ‘Submit delay request’ ღილაკს. თქვენ 1 დღის ვადაში მიიღებთ დამადასტურებელ ელექტრონულ წერილს
თუ მერების შეთანხმების ოფიციალურ ტერიტორიულ კოორდინატორს განეკუთვნებით
თუ შეთანხმების ოფიციალური ტერიტორიული კოორდინატორი (CTC), გიჭერთ მხარს, შეგიძლით მას 18–თვიანი გადავადება სთხოვოთ.
საბოლოო ვადის 18 თვით გადადების პროცედურა CTC–თვის:
შედით ‘My Covenant’ საიტზე და დარეგისტრირდით მათი საიდენტიფიკაციო ნიშნებით;
დააჭირეთ ‘My Signatories’ > ‘Submit a delay request’ და შევასეთ ფორმა (ასტერისკით * მონიშნული ყველა ველი აუცილებლადდ უნდა შეივსოს). მოთხოვნაში უნდა იყოს: ჩვეულებრივი გადადების მოთხოვნის მთავარ საფუძვლებს და იმ ინსტრუმენტების/მომსახურების ჩამონათვალს, რომლებიც CTC–მ ხელმომწერთა მხარდასაჭერად შეიმუშვა.
დააჭირეთ ‘Submit delay request’ ღილაკს. გადავადება ავტომატურად ებოძებათ ასოცირებულ მუნიციპალიტეტებს. თქვენ (და თქვენს ტერიტორიაზე განლაგებული მუნიციპალიტეტები 1 დღის ვადაში მიიღებთ დამადასტურებლ ელექტრონულ წერილს.
როგორ შეიძლება, რომ შეთანხმების ხელმომწერებმა შეიტანონ ერთობლივი სამოქმედო გეგმა?
Written by Anna Zenzinaმერების შეთანხმებას მიერთებულ მეზობელ ადგილობრივ სახელისუფლებო ორგანოების, ჯგუფს, თუ სურს ერთობლივი SEAP/SECAP სამოქმედო გეგმის შემუშავება, შეუძლიათ ასეც მოქცნენ, რისთვისაც თანამშრომლობის ქვემოთ ჩამოთვლილი ორი ვარიანტიდან უნდა აირჩიონ ერთ–ერთი:
ვარიანტი 1:
შერბილება (მიტიგაცია): ჯგუფში შემავალი თვითეული ხელმომწერი ინდივიდუალურად ვალდებულობს СО2–ს ემისიის შემცირებას (SEAP). რამდენადაც ემისიის შემცირების მიზანი ინდივიდუალურ ვალდებულებად რჩება, ყველა ხელმომწერმა უნდა შეავსოს საკუთარი SEAP/SECAP შაბლონი და შეიტანონ ინდივიდუალური მონაცემები ენერგომოხმარების და CO2–ს ემისიასთან დაკავშირებით. ერთობლივი მოქმედების შედეგად მიღებული CO2–ს ემისიის შემცირება, რომელიც ერთობლივ SEAP/SECAP–შია იდენტიფიცირებული, უნდა განაწილდეს ხელმომწერებზე და აღირიცხოს თვითეულ SEAP/SECAP შაბლონში გამჭვირვალობის იმ წესების შესაბამისად, რომლებიც ერთობლივ SEAP დოკუმენტშია აღწერილი.
ერთობლივი SEAP/SECAP უნდა დამტკიცდეს თვითეული მონაწილე მუნიციპალიტეტის ქალაქის საბჭოს (ან ექვივალენტური ორგანოს) მიერ და აიტვირთოს თვითეული ადილობრივი ორგანოს მიერ საკუთარ პროფილზე 'My Covenant'–ს საშუალებით (შეზღუდული სივრცე)." SEAP/SECAP–თ მოცული თვითეული ხელისუფლების ორგანოს დასახელება ნათლად უნდა იყოს მითითებული სამოქმედო გეგმაში. ასეთი ტიპის ერთობლივი SEAP/SECAP აღწერილია SEAP სახელმძღვანელოში (ინგლ. რუს.).
ადაპტაცია (მხოლოდ SECAP–თვის): ხელმომწერებს შეუძლიათ თავად გადაწყვიტონ ერთობლივად მოამზადონ რისკებისა და მოწყვლადობის შეფასების დოკუმენტი და მისი შესაბამისი საქმიანობა, თუ ცალკ–ცალკე. თუ მიერთება ხდება მუნიციიპალიტეტების ჯგუფის სახით, ანუ ვარიანტი 1–ს შესაბამისად, თითოეული მუნიციპალიტეტი ინდივიდუალურად რეგისტრირდება და შეაქვს მონაცემები ადგილობრივი სახელისუფლებო ორგანოს შესახებ და საკონტაქტო დეტალები, ონ–ლაინ რეგისტრაციის ფორმაში შესაბამისი უჯრის მონიშვნით მიუთითებს, რომ ეს არის მუნიციპალიტეტების ჯგუფი, და ერთობლივ ვალდებულებას იღებენ SEAP/SECAP პირველი ვარიანტის მიხედვიტ. იქვე, ფორმაში მითითებულ გრაფებში, შეიტანს შესაბამის მუნიციპალიტეტებს.
ვარიანტი 2:
მიტიგაცია: ჯგუფში შემავალი ხელმომწერები იღებენ СО2–ს ემისიის შემცირების ერთობლივ ვალდებულებას. ამ შემთხვევაში ემისიის შემცირების მიზანი წარმოადგენს ჯგუფის შემადგენელი მუნიციპალიტეტების ერთობლივ ვალდებულებას. ამდენად ხელმომწერების მიერ ივსება ერთად–ერთი SEAP/SECAP შაბლონის ფორმა. ერთობლივი სამოქმედო გეგმა დამტკიცებული უნდა იყოს ჯგუფის თვითეული მონაწილე ხელმომწერის მუნიციპალური საბჭოს (ან მისი ექვივალენტი გადაწყვეილების მიმღები ორგანოს) მიერ და ატვირთული იყოს საზიარო პროფილში ''My Covenant'–ს საშუალებით (შეზღუდული სივრცე). SEAP/SECAP–თ მოცული ადგილობრივი სახელისუფლებო ორგანოები, და მათი წვლილი საერთო გეგმაში ნათლად უნდა იყოს მითითებული SEAP/SECAP დოკუმენტში. ამ ვარიანტის მიზანია ხელი შეუწყოს მეზობელი სტრუქტურების საუწყებათშორისო თანამშრომლობას დასახული ამოცანის შესრულების გაადვილების მიზნით. იგი განსაკუთრეებითაა რეკომნდებული მცირე და საშუალო ზომის მუნიციპალიტეტებისთვის, რომლებიც ადამიანური და ფინანსური რესურსების ნაკლებობას განიცდიან, და ასევე ერთსა და იგივე ურბანულ არეალში განლაგებული მუნიციპალიტეტებისთვის.
(მხოლო SECAP–თვის): ხელმომწერებს შეუძლიათ გადაწყვიტონ რისკებისა და მოწყვლადობის შეფასების მომზადება, და შესაბამისი აქტივობების დაგეგმვა ერთობლივად ან ცალკ–ცალკე. როდესაც მიერთება ხდება მუნიციპალიტეტების ჯგუფის სახით ვარიანტი 2–ს მიხედვით, საჭიროა მხოლოდ ერთი პროფილის გახსნა (შექმნა).ხელისუფლების ადგილობრივი ორგანოს შესახებ ინფორმაციისა და საკონტაქტო დეტალების ონ–ლაინ დარეგისტრირებისას ამ საერთო პროფილში უნდა შევიდეს შეთანხმებასთან მიერთების ყველა ინდივიდუალური ფორმა. გარდა ამისა მითითებული უნდა იყოს, რომ ეს არის მუნიციპალიტეტების ჯგუფი, რომელიც შეთანხმებას უერთდება ერთობილივი SEAP/SECAP მეორე ვარიანტით, რისთვისაც რეგისტრაციის ონ–ლაინ ფორმაში უნდა მოიხაზოს შესაბამისი უჯრა, და ჩაიწეროს შესაბამისი მუნიციპალიტეტბი ფრომის იმ უჯრებში, სადაც აუცილებელია.
შემაჯამებელი ცხრილი |
||
შეთანხმების ეტაპები: |
ვარიანტი 1 |
ვარიანტი 2 |
მიზანი – CO2–ს ემისიის შემცირება |
ინდივიდ. მიზანი |
საერთო მიზანი |
ადაპტაციის ზომები |
ერთობლივად ან ინდივიდუალურად |
ერთობლივად ან ინდივიდუალურად |
SEAP/SECAP შაბლონის შეტანა |
ინდივიდუალურად |
1 მთელი ჯგუფისთვის |
SEAP/SECAP დოკუმენტის შეტანა |
1 საერთო SEAP/SECAP |
|
შედეგების გამოქვეყნება "მერების შეთანხმების" ვებ–გვერდზე |
1 ყოველ ხელმომწერზე |
1 მთელ ჯგუფზე |
მნიშვნელოვანი ინფორმაცია:
ორივე შემთხვევაში დაბეჯითებითაა რეკომენდებული, რომ 'ხელმომწერთა ჯგუფმა' გამოყოს ორგანო/სახელისუფლებო ორგანო, რომელიც SEAP/SECAP–ს შემუშავების და განხორციელების მთელი პროცესის განმავლობაში კოორდინაციაზე იქნება პასუხისმგებელი. ეს შეიძლება იყოს ჯგუფში ყველაზე აქტიური მუნიციპალიტეტი, ან ქალაქების შემთხვევაში – აგლომერაცია, ან პროვინცია/რეგიონი, რომელიც შეთანხმების ოფიციალურ კოორდინაციას იკისრებს. (იხ. მერების შეთანხმების კოორდინატორების სია) თუ გსურთ მერების შეთანხმებასთან "ხელმომწერთა ჯგუფის" სახით მიერთება, გთხოვთ დაუკავშირდეთ მერების შეთანხმების ოფისს (ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.). მერების შეთანხმების ოფისი უფლებას იტოვებს უარი უთხრას ისეთ განცხადებას, რომელიც არ შეესაბამება SEAP სახელმძღვანელოს დანართი 1–ში განსაზღვრულ კრიტერიუმებს (მაგ. მე–2 ვარიანტის შემთხვევაში: ჯგუფი უნდა შედგებოდეს მცირე და საშუალო ზომის მუნიციპალიტეტებისგან, რომლებც ერთ არეალშია განლაგებული, და თითოეულის მოსახლეობა 10 000 კაცზე ნაკლებია).
მიერთების ფორმის ჩამოტვირთვა:
ხელმომწერთა ჯგუფი – ვარიანტი 1
ხელმომწერთა ჯგუფი – ვარიანტი 2
მიერთების ფორმას ხელს აწერს ჯგუფის წევრი ყველა ადგილობრივი ხელისუფლების ორგანო მას შემდეგ, რაც ამ გადაწყვეტილებას დაამტკიცებს თითოეული მათგანის მუნიციპალური საბჭო.
იმისათვის, რომ შეიტანოთ SEAP:
შეთანხმების ხელმომწერებს რეკომენდაცია ეძლევათ გამოიყენონ შეტანის (ჩატვირთვის) ონ–ლაინ სისტემა, რომელში შესვლაც 'My Covenant'–დანაა შესაძლებელი (ექსტრანეტ ვებ–გვერდის ფუნქცია)
დოკუმენტის ჩატვირთვის პროცედურა ითვალისწინებს შემდეგ ნაბიჯებს:
- 'My Covenant' საიტში შესვლა პირადი ლოგ–ინის და პაროლის გამოყენებით. პაროლის აღდეგენა შეგიძლიათ "შესვლა" ფუნქციიდან ნებისმიერ დროს.
- შეავსეთ ინგლისურ ენაზე 'SEAP შაბლონის ფორმა'. ამისათვის აჭერთ 'My action plan' > 'SEAP template' საბაზო თავში ცისფერ მენიუში და ავსებთ შემდეგ სამ განყოფილებას: თქვენი 'Overall Strategy', თქვენი 'Baseline Emission Inventory' და კთქვენი 'SEAP'. მწვანე ფერის უჯრების შევსება სავალდებულოა! შაბლონის შევსების კონკრეტული ინსტრუქციის პოვნა შეიძლება შეთანხმების ვებ–გვერდის ბიბლიოთეკაში.
- თქვენი SEAP დოკუმენტის ატვირთვა – SEAP შაბლონის შევსების შემდეგ, დააჭირეთ (დაკლიკეთ) 'Upload SEAP document’ და შეიყვანეთ თქვენი მდგრადი ენერგეტიკის სამოქმედო გეგმა – შესაბამისად დამტკიცებული ქალაქის საბჭოს მიერ – (და სხვა თანმდევი დოკუმენტები) PDF ფორმატში.
- დაადასტურეთ SEAP დოკუმენტის ატვირთვა 'Go to submission' დაჭერით (დაკლიკვით) და მიჰყევით ინსტრუქციას.
2017 წელს ხელმისაწვდომი იქნება შაბლონის წინასწარი შემოწმების სისტემა, რომელიც შეცდომების და შეუსაბამობების აღმოჩენის საშუალებას იძლევა. ამისათვის საჭიროა დაკლიკოთ ‘See notification checklist’ ღილაკი. ეს მოხდება პარალელური ონ–ლაინ დანართის მეშვეობით, რომელიც გაერთიანებულ კვლევით ცენტრშია შემუშვებული და იქიდანვე იმართება.
მიღებისთანავე თქვენს SEAP დოკუმენტს გაანალიზებს გაერთიანებული კვლევითი ცენტრი და თქვენ მიიღებთ პასუხს. SEAP–ს შეფასების პროცესის შესახებ მეტი ინფორმაციის ნახვა შეიძლება აქ.
იმისათვის, რომ შეიტანოთ SECAP
SECAP–ს შეტანის პროცედურა ამჟამად შემუშვების სტადიაშია, რაც უკვე არსებული SEAP შაბლონური ფორმის მოდერნიზაციის გეგმის ნაწილს წარმოადგენს და მასში შევა 2030 წლისთვის აღებული ადაპტაციის ვალდებულებების შესრულების შესახებ ანგარიშგება. 2016 წლის განმავლობაში SECAP შაბლონი ხელმისაწვდომი იქნება ბიბლიოთეკაში მხოლოდ EXCEL ფრომატში. ახალ ხელმომწერებს, შეუძლიათ ისარგებლონ EXCEL ვერსიით სამუშაო დოკუმენტის სახით, და ასევე ანგარიშგების სტრუქტურის გასაცნობად, რომელიც ონ–ლაინ იქნება წარმოდგენილი 2017 წლის ბოლო კვარტალში.
ამასობაში ახალ ხელმომწერებს შესაძლებლობა ექნება ჩატვირთონ ნებისმიერი დოკუმენტი, მაგალითად ადაპტაციის სტრატეგია, როგორც SEAP შაბლონის შეტანის არსებული პროცედურის ნაწილი. ახალ ხელმომწერებს ასევე შეუძლიათ არსებული SEAP შაბლონის გამოყენება 2030 წლამდე (2020–ს ნაცვლად) კლიმატის ცვლილების ზეგავლენის შერბილების შესახებ ინფორმაციის მოსაწოდებლად. თუმცა, როგორც კი SECAP შაბლონი ხელმისაწვდომი გახდება 2017 წელს, მათ უნდა შეავსონ მისი ყველა დანარჩენი უჯრა, რომელიც კლიმატის ცვლილებასთან ადაპტირებას ეხება.
SEAP –ს შეტანის საბოლოო ვადა
მერების შეთანხმების ხელმომწერები, რომლებიც 2020 წლამდე დროის ჩარჩოებში არიან მოქცეული, ვალდებულნი არიან სკუთარი მდგრადი ენერგეტიკის სამოქმედო გეგმები, სადაც დასაბუთებულია შეთანხმების მიზნები და გასატარებელი ღონისძიებები, შეიტანონ ადგილობრივი საბჭოს მიერ გადაწყვეტილების მიღებიდან ერთი წლის ვადაში, როგორც ეს მიერთების დოკუმენტშია მითითებული.
SECAP–ს შეტანის საბოლოო ვადა
ენერგეტიკისა და კლიმატის შესახებ მერების შეთანხმების ხელმომწერები, რომლებიც 2030 წლამდე დროის ჩარჩოებში არიან მოქცეული, ვალდებულნი არიან სკუთარი მდგრადი ენერგეტიკის და კლლიმატის სამოქმედო გეგმები, სადაც დასაბუთებულია შეთანხმების მიზნები და გასატარებელი ღონისძიებები, შეიტანონ ადგილობრივი საბჭოს მიერ გადაწყვეტილების მიღებიდან ორი წლის ვადაში, როგორც ეს მიერთების დოკუმენტშია მითითებული.